SI MPIRA UWANJANI AMA RUMBA UKUMBINI

 #SHAIRI

                               

                                             1.Habarini waungwana,salamu nawatolea ,

                                               Hii ndio tamaduni,zetu halikujuzana,

                                             Nitumaini jemaa, kwangu nyote niwazima

                                             Mashindano ya silaha,.hatari kwa  binadamu.

                                        2.Si mpira uwanjani, ama rumba ukumbini,

                                             Si  resi barabarani ,ama kwaya kanisani,

                                             Ni silaha shindaneni, iletayo upinzani,

                                             Mashindano ya silaha ,hatari kwa binadamu.

                                       3.Hawalali mitamboni, kila siku wanabuni,

                                          Wabuni  ‘’tufanyenini, kumshinda Marekani,

                                           Kipanki asifaulu,ajetupiga mwakani,’’

                                          Mashindano ya silaha,hatari  kwa binadamu.

                                       4.Silaha za aridhini,zinginezo za  angani,

                                      Zinategwa baharini,pia zingine hewani,

                                     Zaundwa ziuwe nani,kama si mjamanani,

                                       Mashindano ya silaha,hatari kwa binadamu.

                                       5.Gharama matilioni, mengi yasiyo kifani,

                                       Yaishia mitamboni, kulekule viwandani,

                                       Kuunda wanazo buni,silaha kali motoni,   

                                       Mashindano ya silaha,hatari kwa binadamu

.

                                              

                                         6.Zipo nchi masikini,  pande zote duniani,

                                            Msaada wanatamani ,kuinua maishani,

                                               Hawapewi asilani, hatawalie machoni,

                                               Mashindano ya silaha,hatari kwa binadamu.

                                              7.Uchochezi namba wani,kuchokoza  nchi duni,

                                              Zingine mapiganoni,wao wakae pembeni,

                                              Silaha kwenye medani,zitumwe majaribuni,

                                              Mashindano ya silaha, hatari kwa binadamu.

                                                                          

                                                8.Tuundieni mashini, zakulimia shambani,

                                                Maji tuna yatamani,yatukidhi vijijini,

                                                Chakula pia leteni,mafuta ya paretoni,

                                                Mashindano ya silaha, hatari kwa binadamu.

                                               

                                                9.Shairi hi tamatini, kwenu ninawaombeni,

                                                Silaha hizo acheni,kuziunda viwandani,

                                                Manayake hatuoni, yasilaha duniani,

                                                Mashindano ya silaha, hatarikwabinadamu.

,