#Mahusiano.
Hisia za mapenzi hutokea ndani kabisa ya moyo. Kila
mmoja ana uhuru na haki ya kupenda. Huwezi kuchaguliwa wa kumpenda!. Mapenzi ni
maisha ya mtu katika uhalisia wake.
Maana yake ni kwamba kama utakuwa na mtu ambaye moyo wako
hauna mapendo ya dhati kwake; tafsiri yake ni kwamba maisha yako yote yatakuwa
yenye mateso kila siku.
Utalala na mtu usiyempenda, utaamka naye na utaambatana
naye baadhi ya sehemu wakati moyo wako haukuwa tayari kuwa naye.
Hilo ni tatizo.Ubaya ulioje, kuna baadhi ya wazazi bado
wana mawazo na fikra za kizamani. Wapo wanaoendelea kuwachagulia au
kuwalazimisha watoto wao wenzi wa kuishi nao. Ndugu zangu, hizo ni zama
za kale. maisha yamebadilika. Kila kitu kimebadilika. Ni sahihi zaidi mtu
achague mwenzi wa maisha yake mwenyewe maana ataishi naye yeye.
Huo ni upande mmoja; upande mwingine ni haki ya mwanamke
kupenda. Imezoeleka mwanaume ndiye mwenye mamlaka ya kumpenda mwanamke na
kumtaka waanzishe uhusiano. Inategemea kama mwanamke atakubali au atakaa.
Pengine ni utaratibu sahihi maana ni uamuzi wa mwanamke na kuangalia moyo wake
kama ni kweli amempenda mwanaume huyo au lah!! kisha anaamua mwenyewe.
Kuna wakati mwanamke anazama kimapenzi kwa mwanaume.
Kila akipita mbele yake moyo unalipuka. Kila anachokifanya anazuzuka. Mapenzi
yamemwingia lakini ‘sheria’ inambana. Hawezi kuanzisha uhusiano
yeye hata kama akiamua kujipeleka, mwisho wao hauwi mzuri yaani wataachana tu.
Tafiti zinaonesha kuwa, uhusiano ulioanzishwa na mwanamke mara nyingi huwa
hauna mafanikio kama unaoanzishwa na mwanaume.
Akili za wanaume wengi huamini mwanamke anapomfuata na
kumtaka kimapenzi ni muhuni ama malaya si jambo sahihi,
hutegemea na moyo wa mhusika kwa namna anavyoonesha mapenzi yake lakini ndivyo
ilivyozoeleka.
Pamoja na hayo, mwanamke anaweza kumvutia mwanaume
aliyempenda na kumuingiza kwenye himaya yake kwa kufuata utaratibu ulio sahihi
na penzi likadumu. Yapo mambo ya msingi ya kuzingatia katika harakati hizo.
Kwanza kabisa kama mwanamke, unapaswa kuwa katika mwonekano
mzuri wa kike wenye kuvutia muda wote. Hapa nasema hivyo kwa sababu, wapo
wanawake ambao wanahangaika na hawajaolewa au hawajapata watu ‘waliotangaza
nia’ kwa sababu tu hawajiweki katika mwonekano mzuri. Mwanamke jitambue.
Tengeneza na hifadhi mvuto wako siku zote. Zingatia mavazi bora yenye staha na
kukusitiri. Mtindo wa nywele na vipodozi vinginevyo kulingana na mahali ulipo.
NINI CHA KUFANYA?
Ni lazima uvutie, lakini sasa hapa tunakwenda mbele
zaidi. Umeshamuona mwanaume ambaye ni chaguo lako na kwa bahati mbaya hana
muda(time) na wewe?. Uteseke moyoni; hapana. Vipo vitu ambavyo ukivifuata,
utamsogeza mwanaume huyo na mwisho atakuwa wako. Huna sababu ya kubaki na jakamoyo(maumivu).
Silaha ya kwanza kabisa ni kumjua vizuri huyo mwanaume.
Anaishi wapi? Anafanya wapi kazi nk. Inawezekana ikawa
vigumu kidogo kujua kila kitu kwa wakati mmoja lakini angalau ukijua kimojawapo
itakuwa sawa, usipojua itakuwa imekula kwako. Mathalani/mfano mnafanya naye
kazi au huwa anakuja ofisini kwako/kwenu, mnakutana kwenye mikutano au mnaishi
mtaa mmoja nk. Hayo ni mambo ya muhimu kuyajua ili uweze kumweka katika mtego
wako.
Mvute kwako. Si kwa kumwambia lakini hata kwa vitendo
tu. Vaa mavazi mazuri (naomba
kusisitiza hapa mavazi ya heshima) ambayo hayatakutafsirisha
kama mwanamke asiye na staha. Wanaume wengi wanapenda kuwa na wanawake wenye
staha na wanaotambua heshima yao. Ukijidanganya na kuvaa mavazi ya kujiachia
mwili wako, maana yake atakuchukulia kama mwanamke ambaye hujatulia.
Wakati unajaribu kumvutia kwako pia chunguza vitu
anavyopenda. Utaweza kujua kwa kumfuatilia hata kwa kidogo tu. Ukigundua
angalau mtindo mmoja anaoupenda, mtege nao. Tafuta ubunifu ambao utakuweka
katika mtindo ambao anavutika nao.
Kumbuka ni sumu kumfuata mwanaume na kumwambia kuwa
unampenda. Kamwe usianzishe uhusiano wewe.
TANBIHI:Kumweka karibu mwanaume nawe na kuishi katika maisha
ambayo umeelekezwa hapo kutakufanya umpate moja kwa moja(automatic) mwanaume
huyo.
Maoni,ushauri
na mambo yote kuhusiana hiki
tukifanyacho,,basi usisite kutucheki hapa:
+255767611645
+255715080716
No comments:
Post a Comment